Аслан Бжания поздравил писателя Алексея Гогуа с днем рождения


Аслан Бжания поздравил писателя Алексея Гогуа с днем рождения
  Президент Аслан Бжания поздравил Народного писателя Абхазии Алексея  Гогуа с днем рождения

"Ҳаҭыр зқәу Алеқсеи Ноча-иԥа!

Гәык-ԥсык ала ишәыдысныҳәалоит Шәира амш!  
Шәара шәыхьӡ хьтәы нбанла аԥсуа литература аҭоурых ианылеит. Ҳажәлар рдоуҳатә ҭынха иузаҟәымҭо иалоу шәырҿиамҭақәа философиатә ҵакылеи актуалра злоу аԥсҭазааратә проблемақәеи рыла ибеиоуп.

Шықәсырацәалатәи шәырҿиаратә мҩеи, есқьынгьы активла иаашәырԥшуа атәылауаҩратә позициеи, ааԥсарада Аԥсны аинтересқәа рыхьчареи ирыбзоураны Шәара ҳуаажәларра рыҩныҵҟа аҳаҭыр ду шәаԥсаны шәҟалеит.  1988 гшықәса раахыс, еиҳа аамҭақәа аныуадаҩыз Шәара патриот иашаны шәызлаҟаз ала, напхгара ашәҭеит Аԥсны Жәлар Рфорум «Аидгылара». Ари аиҿкаара ихьыԥшым аԥсуа ҳәынҭқарра аиҭеираҟны аҵак дуӡӡа аман.  Шәара ахаангьы иреиӷьу аԥсуа милаҭтә ҵасқәеи ҳажәлар рзинқәеи рыхьчаразы шәгылан.  

Ҳаҭыр зқәу Алеқсеи Ноча-иԥа, аҵак ду змоу абри амш аҽны ишәзеиӷьасшьоит агәабзиара, агәамч, ақәра ду, арҿиаратә гәазыҳәара, аԥхьаҟатәи аихьӡарақәа шәырҿиараҿы. Шәаԥҵамҭа ҿыцқәа акыраамҭа ҳажәлар ргәы шьҭырхлааит, адоуҳатә, акультуратә еимадарақәа рырӷәӷәара иацхраалааит. 
 
Ҳаҭырла,  Аԥсны Аҳәынҭқарра Ахада Аслан Бжьаниа"

 Фото Sputnik Абхазия

Источник:
04:34
41
Нет комментариев. Ваш будет первым!
Пользуясь сайтом apsny-line.ru, вы соглашаетесь с тем, что мы используем файлы cookie.